ГОЛЕМИОТ ГРЕГ БЕКЕР ОД ИНДИЈА ДО КАЛИФОРНИЈА: Директорот на SVB профитираше 3,6 милиони пред колапсот на банката

SVB банкротираше минатиот петок, само 24 часа откако
нејзиниот извршен директор лично им кажа на клиентите дека нивните пари се
безбедни во банката. Откако банката била ликвидирана, првиот човек на оваа
финансиска институција Грег Бекер испратил видео порака до вработените во која
признал дека „неверојатно тешките“ 48 часа довеле до колапс на банката.

Во јануари Бекер испрати оптимистички пораки до
инвеститорите и клиентите, посочувајќи дека економските изгледи се подобруваат
по 2022 година. Сега, според медиумите, излегува дека и тогаш можел да го
почувствува колапсот. Случајно или намерно, но на крајот на јануари доставил
план кој му овозможил да ги продаде своите акции во SVB. Според Блумберг, тоа
го направил две недели пред банкротот кога ги продал своите 12.451 акции во
компанијата за 3,6 милиони долари.

Според „Ројтерс“, планот за продажба на акциите го доставил
со неколку негови колеги, кои имале менаџерски места. Незадоволните функционери освен што се лути затоа
што, како што пренесува „Јутарњи лист“, “капетан на брод што тоне“, сметаат дека тој е одговорен за целосниот колапс. Поранешните
вработени во банката сметаат дека газдите придонеле за пропаѓање на банката,
бидејќи јавно објавиле дека банката е во големи проблеми, што ќе се обидат да
го поправат со привлекување нови инвестиции – што предизвика цунами од
повлекувања што ја затрупа банката.

Кој е Грег Бекер?

Како што пишува „Ројтерс“, првиот човек на пропаднатата
„Silicon Valley Bank“, Грег Бекер, работел во оваа компанија три децении, а
кариерата ја започнал како службеник за заеми. Бекер, дојде дојде од родната Индијана преку
Детроит во Калифорнија и успеа во корпоративната скала, блескајќи во тешката
2008 година. Во екот на финансиската криза тој стана директор на банката, а три
години подоцна и извршен директор.

Веб-страницата на банката во Силиконската долина вели дека
Бекер дипломирал на Универзитетот во Индијана со диплома по економија. Оттаму,
тој работеше во банка која ги опслужуваше, како што рече, „традиционалните
компании“. Во подкастот „Блумберг“ во 2021 година, тој изјави дека со својот
менаџер се преселил да работи во банка во Силиконската долина.

Пред да стане претседател и извршен директор на SVB
Financial Group, Бекер беше ко-основач на SVB Capital, инвестициската група на
компанијата. Тој, исто така, претседаваше со лидерската група на Силиконската
долина од 2014 до 2017 година и беше член на Советодавниот одбор за дигитална
економија на Министерството за трговија на САД од 2016 до 2017 година.

ФОТО: YouTube/Print Screen