ГОЛЕМА ПРОМЕНА: Цената на бакарот падна на најниско ниво во последните два месеци
Цената на бакарот продолжи да паѓа четврта недела по ред, откако податоците од Кина покажаа дека економијата, која инаку е најголемиот пазар на бакар, покажува постојани знаци на слабост.
Цените паднаа за цели 1,6 отсто до 9.587 долари за тон на лондонската берза за метали, што беше четврти последователен неделен пад, објави Блумберг.
Втората по големина светска економија денеска објави извештај за бројки кои ги зголемија стравувањата од недостаток на побарувачка.
Додека продажбата на мало беше посилна во мај, растот на индустриското производство и инвестициите во основни средства забави, а падот на инвестициите во недвижности се зголеми.
Владата на претседателот Кси Џинпинг воведе различни мерки за промовирање на растот и стабилизирање на секторот на недвижности, но денешните податоци ги обновија барањата за поконкретни активности.
Бакарот достигна рекордно високо ниво над 11.000 долари само минатиот месец, но брзо падна поради стравувањата од порастот на глобалните залихи и знаците на слабост во кинеската економија.
Цените на металите генерално беа под притисок минатата недела, откако американската централна банка ги намали очекувањата за зголемување на каматните стапки.
Фото: Принтскрин/Твитер
