Голема полициска акција во МВР: Претреси поврзани со злоупотреби на тендери за сервисирање возила
МВР денеска спроведува голема полициска акција внатре во своите редови.
Според неофицијални информации на ТВ21, акцијата се однесува на претреси во зградата на Министерството за внатрешни работи, во рамки на истрага за можни злоупотреби на тендери за сервисирање на службени возила.
Претреси се извршуваат во канцелариите на повеќе началници и вработени во различни организациски единици на МВР. Акцијата ја спроведува Бирото за јавна безбедност.
Во исто време, претреси се изведуваат и во неколку автосервиси кои во последните години ги сервисирале возилата на Министерството за внатрешни работи.
Од МВР информираа дека од страна на полициски службеници од Одделот за сузбивање на организиран и сериозен криминал, Одделот за крим полиција и Одделот за внатрешна контрола, криминалистички истраги и професионални стандарди по насоки на надлежен Јавен обвинител во тек се мерки и активности поврзани со работењето на Одделот за општи и заеднички работи во МВР.
