ГОЛЕМ БОРЕЦ: Малиот Никола се роди со тежина од само 900 грама, по 65 дена престој во болница конечно си оди дома!
Малиот херој Никола, роден со тежина од само 900 грама, по 65 дена престој на клиника си оди дома.
Оваа вест ја објави ЈЗУ Универзитетска Клиника за Гинекологија и Акушерство – Скопје на својот Фејсбук профил каде велат дека семејството конечно можат да се смеат и никој да не им забележи колку гласно тоа го прават.
„Семејството Ристоски конечно можат да се смеат и никој да не им забележи колку гласно тоа го прават, да пеат и повторно никој да не им забележи колку тоа гласно го прават, а посебно најмалиот Ристоски, малиот Никола, големиот борец….тој нека се смее…нека пее и нека потплакува понекогаш гласно, најгласно. Малиот Никола беше роден во 27 гестациска недела со телесна тежина од 900 грама. Никола беше храбар и победи и по 65 дена престој на ОИНТ не поздрави и си замина домче кај мама и тато. Мило дете, ти посакуваме силно здравје и бескрајно среќно детство. На персоналот на ОИНТ ви благодариме што несебично се грижите за овие мали души што поскоро да закрепнат, што побрзо да пораснат“, напишаа тие.
