„Го славел раѓањето на синот“: 30-годишниот Тоше почина во дискотеката во Кочани

30-годишниот Тоше Богданов е еден од загинати во пожарот во дискотеката во Кочани.

Неговите познаници велат дека излегол со пријателите со цел да го прослави раѓањето на синот.

Богданов, кој е од Облешево, работел како автомеханичар и живеел со сопругата, која според неофицијални информации се породила пред неколку дена.

„Тоше доби син и излезе да го прослави раѓањето на детето со другарите во дискотека во Кочани, сакаше да ги почести другарите и отиде во дискотека, а сега го нема“, изјави извор за „Информер“.

Во пожарот што избувна во текот на ноќта во дискотеката „Пулс“ во Кочани загинаа најмалку 59 млади лица на возраст од 14 до 24 години, додека 155 се повредени.

Владата на Македонија донесе одлука да прогласи седумдневна жалост.