ГИ ЗНАЕ СИТЕ МАРКИ НА ПУШКИ И ПИШТОЛИ: Eве што откриваат истражителите за Коста кој изврши масакр

Момчето убиец од Белград користи терминологија невообичаена за дете на негова возраст, тврдат истражителите. 

Коста Кецмановиќ на 3 мај во своето училиште „Владислав Рибникар“ во Белград, уби 9 свои соученици и чуварот. Детето кое има 13 години е во психијатриска болница. 

„Кога зборува за оружје, тој ги користи зборовите калибар, ги знае речиси сите марки пиштоли и пушки и каков калибар се, која муниција оди со кое огнено оружје. Исто така, вели, „самиот се разоружав’, а не ‘го спуштив пиштолот долу’, што би било соодветно за дете или дури и за аматер. Наместо да каже ‘пукав’, тој вели ‘отворив оган’. Според изворот, кога слушнал дека неговиот татко е уапсен, момчето рекло ‘се надевам дека добро ќе постапуваат со него’. Го изговори зборот дело, кој најчесто го користат луѓе кои работат во затвори, инспектори или полицајци. Ретко кој ја користи оваа терминологија во секојдневниот говор, а децата практично не знаат што значи тоа“, пишува порталот Mondo.rs, повикувајќи се на извор запознаен со истрагата.

Миљана К., мајката на Коста деновиве е спречена кога се обидела да ја напушти Србија со својата ќерка и преку граничниот премин Прохор Пчињски да влезе во Македонија. 

Органите во Србија ќе ја гонат и доколку се докаже дека мајката ги занемарила своите обврски како родител, ќе добие затворска казна до 3 години.