ГЕРМАНСКИ ПРАТЕНИК: Косово не е држава, тоа е конструкција што не може да опстане
Можно е наскоро Косово да влезе во Советот на Европа. Србија реагира дека другите земји прават напори Косово да влезе во Советот на Европа, а нив ги изненади и тоа што Дора Бакојани од Грција даде поддршка на Косово со тврдење дека така српското малцинство ќе биде позаштитетно.
Шефот на Комисијата за надворешна политика на пратеничката група на Алтернатива за Германија (АфД) во Бундестагот, Петр Бистрон, изјави денеска дека со голема загриженост ги набљудува процесите во однос на барањете на Косово да стане членка на Советот на Европа. Вели дека се врши огромен притисок врз сите земји да ги поддржат овие тенденции, пренесуа „Косово онлајн“.
„Желбата е Косово да влезе во сите можни меѓународни организации. Ние сме цврсто против тоа, Косово не е држава, тоа е конструкција што не може да опстане. Тоа е протекторат на НАТО и ЕУ. Гледаме голем потенцијал за понатамошна ескалација ако се остане на овој пат“, изјави Бистрон, кој е заменикин на членот на Постојаната делегација на Бундестагот во ПССЕ.
На утрешниот состанок на Политичкиот комитет на Парламентарното собрание на Советот на Европа ќе се гласа по препораката на известувачот Дора Бакојани Косово да биде прифатено во оваа организација.
Инаку, Србија дури спомена дека може да излезе од Советот на Европа ако Косово влезе.
