Германската полиција спречи напад на синагогата во Хале, уапсен 19-годишен Швајцарец
Германските безбедносни сили спречија планиран напад на синагога во градот Хале и уапсија 19-годишен млад човек од Швајцарија кој пишувал за своите планови на социјалните мрежи, објавија денеска германските медиуми.
Тој претходно набавил огнено оружје, а за плановите за напад на синагогата пишувал на Телеграм, пренесува Билд.
Според извештаите, младиот човек сакал да изврши напад сличен на оној што го изврши неонацистот Штефан Балијет во 2019 година, кога загинаа две лица.
