Германската полиција бара маж со кирилични букви на раката: Уште двајца на мета, дали се од Источна Европа?

Се трага по тројца осомничени, а полицијата објави фотографии и опис на двајца од нив

Германската полиција трага по тројца неидентификувани мажи, кои се осомничени за сексуален напад во шума во Вупертал.

Инцидентот се случил на 1 мај доцна вечерта. Малку по 23 часот, едно лице трчало низ шумата, кога еден од осомничените одеднаш скокнал пред неа.

„Тој и се заканувал со нож, ја држел и и нанел полесни повреди. После тоа со закана со нож го принудил лицето орално да ја задоволи“, соопшти полицијата, пренесува Билд.

За среќа дошло лице на велосипед, по што напаѓачот побегнал.

Напаѓачите се наводно работници од источна Европа
Полицијата даде описи на двајцата мажи. Еден од нив е на околу 40 до 50 години, висок околу 1,85 метри, мускулест и силен. Има испакнато чело, силни веѓи и малку искривен нос.

Носеше темно сина работна јакна со џебови на градите и рефлектирачка лента, како и рефлектирачка лента под градите, темни работни панталони со странични џебови и заштитни чевли.

Беше неуреден и имаше знаци (најверојатно кирилица) на зглобовите на десната рака.

Еден соучесник беше половина од него и за четири сантиметри понизок. Носеше црна облека со бели апликации на нозете и дебел бел ѓон на црни патики. Тој извадил нож.

Полицијата бара сите што имаат информации за осомничените веднаш да се обратат до најблиската полициска станица.