ГЕРМАНИЈА УКИНУВА ЕДЕН ОД НАЈВАЖНИТЕ СОЦИЈАЛНИ ДОДАТОЦИ: Ќе бидат погодени семејствата со деца
Германската влада го започна најавеното намалување на
родителскиот додаток, Elterngeld, за оние со високи плати. Владата
го усвои Законот за финансирање на буџетот на министерот за финансии Кристијан
Линднер, кој побарал заштеди од сите министерства, вклучително и Министерството
за семејство кое е задолжено за овој надоместок, пишува магазинот Феникс.
Според тоа, границата за остварување право на родителски
додаток се намалува на 150.000 евра годишно, наместо досегашните 300.000 евра.
Како што пишуваат германските медиуми, оваа новина се однесува на лицата кои заеднички го остваруваат правото на родителски
додаток, како и на самохраните родители.
На одлуката и претходеше контроверзна дискусија. Линднер
побара од министерката за семејни прашања Лиза Паус да заштеди на родителскиот
додаток. Паус одлучи да го ограничи дозволениот лимит на приход, за да избегне
намалување на родителскиот додаток за домаќинствата со помали примања.
Родителскиот додаток, Elterngeld, е паричен надоместок на
кој родителите во Германија имаат право доколку не одат на работа по раѓањето
на детето, туку останат дома за да се грижат за детето. Досега оваа поволност беше достапна за прилично голем број луѓе, но
поради новите мерки тоа наскоро може да се промени.
Проценките се различни, но веројатно околу 60.000 семејства повеќе нема да имаат право на
државни бенефиции за време на родителското боледување.
Според податоците на германскиот завод за статистика, лани
родителски додаток добиле 1,8 милиони луѓе, од кои повеќето биле жени.
