„ГЕРМАНИЈА НЕ БИЛА ТОЛКУ ЕКОНОМСКИ СЛАБА ОД ВТОРАТА СВЕТСКА ВОЈНА: Првиот економист на ВБ банка ги наведе главните показатели за кризата

Германските граѓани последниве месеци претпазливо трошат пари
и купуваат помалку, а инфлацијата ги принуди на тоа. Стапката на инфлација е
намалена во последниот месец, но последиците се уште се чувствуваат во
куповната моќ на Германците. Главниот
економист на VB Bank, Томас Гицел оценува дека ваква ситуација во Германија не се памети уште од
Втората светска војна.

– Ова не се случило од Втората светска војна. Високата
стапка на инфлација не е единствената причина за сето ова. Главната причина е
слабеењето на светската економија. Постои едно едноставно правило. Ако
светската економија е слаба, тогаш слаба е и Германија, а нашата земја е еден
од најголемите извозници во светот. Тоа најдобро го гледаме по количината на
стоки што ги купува германската надворешна трговија. И ова вклучува храна,
мебел и апарати за домаќинство. И како што кажав, ова не е видено од Втората светска
војна – рече Гицел и додаде:

– Ако зборуваме за инфлација, еден од начините за борба
против неа е германската влада барем да се обиде да заштеди пари. Јавната
потрошувачка е важна за намалување на стапката на инфлација, затоа германската
влада треба да ги држи под контрола јавните финансии. Дефинитивно видовме
намалување на стапката на инфлација во последните неколку месеци. Но, лошата
вест е дека базичната стапка на инфлација расте. Не ги вклучува цените на
храната и енергијата. Тој пораст на базичната инфлација сè уште е проблем.
Мислам дека до крајот на годината ќе биде на високо ниво. Луѓето почнуваат да
штедат и се однесуваат многу претпазливо при трошењето пари.

ФОТО: freepik.com/anyaivanova