ГЕРМАНИЈА ДВЕ ГОДИНИ ВО РЕЦЕСИЈА – Бранот банкроти се уште не е завршен
Долгата економска криза го зема својот данок врз германските компании, од кои сè повеќе почнуваат стечајни постапки поради неликвидност.
Податоците објавени денеска покажуваат дека 5,7 отсто повеќе компании го направиле тој чекор во март отколку 12 месеци порано. Истовремено, статистичарите ги земаат предвид само постапките во кои надлежниот суд ја донел првата одлука, јавува агенцијата ДПА.
Така, судовите во јануари регистрирале 1.830 стечајци, со вкупни побарувања од 5,3 милијарди евра. Тоа е за 12,8 отсто повеќе отколку во јануари 2024 година.
Најголем дел од компаниите повторно пропаднаа во секторот складирање и транспорт.
Лани судовите евидентирале 21.812 барања за стечај, односно за 22,4 отсто повеќе од 2023 година.
Германската индустриска и трговска комора (ДИХК) оценува дека бранот банкротства не е завршен.
Главниот аналитичар на ДИХК, Волкер Трејер, рече дека податоците за банкротите ја предупредиле новата владејачка коалиција и повикаа на итен почеток на олеснување на товарот на економијата.
Германија ги заврши претходните две години во рецесија. Водечките економски институти сега проценуваат дека економијата ќе порасне едвај забележливо оваа година во најдобар случај.
