Генерали Инвестментс: Приходот на Nvidia се очекува да се зголеми повеќе од тројно
Тимот на Генерали Инвестментс
подготви резиме за актуелните настани кои влијаат врз пазарите на капитал.
Загубите на главните берзански индекси на неделно
ниво беа минимални
Шопинг лудилото
на берзите минатата недела малку го залади податокот за јануарската инфлација
во САД, што дојде како предупредување дека последниот чекор за забавување на
инфлацијата ќе биде најтежок и дека нормализацијата на растот на цените
(особено во САД) сè уште не е очигледна. Индексот S&P 500 ја прекина
петнеделната позитивна серија, но остана над границата од 5.000 поени. Мини
распродажбата по објавувањето на податоците за инфлацијата, берзанските бикови
брзо ја искористија за купување и загубите на главните берзански индекси на
неделно ниво беа минимални.
Сегашното прекинување на надолниот тренд на инфлација,
таканаречениот јануарски ефект, е од привремен карактер
Мерено со CPI,
цените во САД се зголемија за 3,1% во јануари, додека базичната инфлација
останува на 3,9%, што значи дека од септември горе-долу стагнира. Податоците за
индексот на цените на производителите (PPI) ги надминаа и очекувањата на
пазарот и на економистите, кои по негативното мерење во декември, во јануари
пораснаа за 0,3% на месечна основа. Најголем придонес за инфлацијата на годишна
основа имаа трошоците за живот, кои се зголемени за 6% во однос на јануари 2023
година. Поради договорната природа на закупнините, вообичаено е оваа компонента
на инфлацијата, која сочинува околу една третина од вкупниот CPI во САД, да
заостанува зад другите компоненти. Според досегашните податоци, бројките треба
да почнат да се ублажуваат во наредните месеци, што ќе го олесни патот до целта
за инфлација. Друг фактор кој влева оптимизам е знакот дека моменталниот прекин
на надолниот тренд на инфлацијата е од привремен карактер, таканаречен
јануарски ефект. Имено, компаниите често ги прилагодуваат цените на почетокот
на календарската година, што значително влијае на јануарската (главно месечна)
инфлација.
Приходите на Nvidia се зголемија повеќе од тројно
на годишна основа
И покрај тоа што
акциите на помалите компании покажаа подобри резултати во последните две
недели, за лавовскиот дел од приносите на берзанските индекси од почетокот на
оваа година сепак најзаслужни се акциите на компаниите со голема пазарна
капитализација, предводени од првиот претставник на акции поврзани со
вештачката интелигенција, Nvidia. Оваа недела ќе ги објави долгоочекуваните
резултати за последниот квартал од минатата година. Очекувањата на пазарот се
исклучително високи. Аналитичарите очекуваат приходите да бидат зголемени повеќе
од тројно на годишна основа, а нето профитот да порасне од 1,4 милијарди долари
во 2022 година на 11,1 милијарди долари во 2023 година. Со оглед на
исклучителниот раст во изминатата година, големото пондерирање на индексите и
статусот на водечката акција за вештачка интелигенција, евентуалните поголеми
отстапувања од очекуваните резултати би можеле да предизвикаат поголема
нестабилност на целокупниот пазар.
Европските берзи претежно забележаа раст
Негативното
изненадување на инфлацијата во САД не се прелеа на европските берзи, кои во
најголем дел забележаа добивка. Инфлациските трендови на стариот континент
остануваат поповолни, но прогнозите за економскиот раст се ревидираат надолу.
Европската комисија сега прогнозира раст на евро-економијата од 0,8% за 2024
година. БДП во Велика Британија се намали за 0,3% во последниот квартал од
минатата година, што претставува втор последователен квартал со негативен
економски раст и последователна рецесија.
Јапонската економија исто така се најде во
рецесија
Јапонскиот Nikkei
накратко надмина 38.800 поени во петокот, конечно надминувајќи го рекордното
високо ниво поставено во декември 1989 година. Порастот на јапонските акции и
понатаму е поттикнат главно од силните резултати од најголемите котирани
компании, подобриот систем на корпоративно управување и слабиот јен, кој има
поволен ефект врз извозот. Настаните на берзата во Кина беа мирни во светло на
лунарната нова година, бидејќи кинеските берзи беа главно затворени минатата
недела. Според првите податоци, потрошувачката за време на празниците се
очекува да порасне, па дури и да го надмине периодот пред Ковид. Жителите на
Кина исто така патувале значително повеќе, а и двете се добредојдени вести за
кинеската економија и потрошувачка, која се бори со пробиена доверба на
потрошувачите и дефлација во последните месеци.
СОВЕТИ ЗА ИНВЕСТИТОРИТЕ
Пазарите се управувани од централните банки со
очекувања за пониски каматни стапки и одредени, особено технолошки,
мегатрендови. Пазарите очекуваат и ФЕД и ЕЦБ да ги намалат каматните стапки
побрзо и повеќе отколку што предвидуваат централните банки, а тоа се оправдува
со макроекономските податоци. Овој јаз во прогнозите и очекувањата претставува
значителен ризик за пазарите и може да донесе корекции на истите. Светската
економија останува на патеката на раст, но економската активност е многу
нерамномерно распоредена низ светот. Пазарите на капитал ќе бидат под поголемо
влијание на претстојните претседателски избори во САД. Конкретно Трамп веќе ја
вознемирува јавноста надвор од САД со своите најави за значително
поизолационистичка политика и нови трговски ограничувања, особено во односите
со Европа. Сите три работи, политиката на централната банка, претстојните
избори и слабиот економски раст во некои региони носат неизвесна прва половина
од годината на пазарите на капитал, што ќе можат да ја искористат инвеститорите
кои знаат и умеат да гледаат надвор од краткорочните флуктуации. Долгорочните
технолошки, економски и социјални трендови остануваат клучни. Технологијата
продолжува да ги освојува претходно непознатите области. Вештачката
интелигенција или AI носи раст. Индустријата се автоматизира и дигитализира.
Одржливоста станува сè поважен начин за инвестирање. Заштедата на енергија,
зелената енергија, рециклирањето и заштитата на животната средина создаваат
нови можности за инвестирање. Населението во развиениот свет старее, но во
светот во развој созрева и создава нова силна средна класа. Ова носи променливи
навики на потрошувачите, како и предизвици и можности на глобалните компании за
стоки за широка потрошувачка, здравствени услуги итн.
Глобално диверзифицирано портфолио со комбинација
од акциски и комбиниран фонд како што е Генерали Америка и Генерали Топ
Брендови и паричниот фонд Генерали Кеш Депозит, е најдобриот одговор на предизвиците
што ги носи 2024 година. Комбинацијата на вложувања во обврзници и акции во
моментов ја претставува вистинската комбинација на принос и безбедност.
Одржуваме диверзифициран пристап со периодични зголемувања на инвестициите. Низ
историјата, ова се покажа како најдобриот пристап, бидејќи го избегнува ризикот
од купување на инвестицијата на врвот.
Здравството останува поволно вреднувано, а во исто
време се поврзува со некои добри приказни, како што е влез на вештачката
интелигенција во здравството и лекот за дебелина. Технолошките акции, особено
на големите светски компании, остануваат високо вреднувани и се почесто го
слушаме зборот меур и правиме паралели со 2000 година и приказната на dot.com.
Но технологијата претставуваат остров со натпросечен економски раст. Околу
фондот Генерали БРИК, одржуваме шпекулативна препорака за купување бидејќи сè
уште веруваме дека кинеската централна влада ќе биде принудена да направи многу
повеќе за да ги смени лошите економски трендови и пазарот брзо и силно ќе реагира
на оваа вест. Но, потребно е многу трпение. Досега за жал, овој шпекулативен
пристап не донесе резултати.
