Генерали Инвестментс: Дури и во неизвесни ситуации, ние ја одржуваме професионалноста и експертизата во активното управување

Тимот на Генерали Инвестментс подготви резиме за актуелните настани кои влијаат врз пазарите на капитал.

Јануари е знак на позитивни вести и надеж за повторување на историските шеми

Историски гледано, значително негативните години на пазарите на капитал често се проследени со натпросечни приноси. Надевајќи се на повторување на ова сценарио, инвеститорите оптимистички настапија во новата година и непосредно пред крајот на месецот, се чини дека ќе биде еден од попрофитабилните јануари за пазарите на капитал.

Сепак, потпирањето на историските податоци не е единствениот фактор што ги охрабрува инвеститорите во последниве недели. Доброто расположение на пазарите го обезбеди спој на позитивни вести од кои се добива впечаток дека црните денови на берзите се минато. И од САД и од Европа доаѓаат малку поохрабрувачки економски бројки (барем според мрачните прогнози од изминатите месеци). На пример, американскиот БДП порасна за 2,9% во последниот квартал од минатата година, резултатите на најголемите котирани компании во целина се малку полоши од претходните квартали, но сликата е далеку од критична. Индикаторите за инфлација остануваат под будното око на инвеститорите, кои и понатаму укажуваат на постепено ублажување на инфлацијата.

S&P 500 над 200-дневниот движечки просек

Се наоѓаме на интересни нивоа и од гледна точка на техничка анализа, бидејќи најследениот американски индекс S&P 500 се наоѓа нешто над просекот од 200 на дневниот графикон. Во минатото, надолните трендови често завршуваа после пробивањето на ова ниво од страна на S&P 500 и се задржуваа над него доволно долго. Во три обиди од минатиот април, овој пробив не успеа, а минатата недела графикот на индексот на најголемите американски компании штотуку се смести над оваа, од психолошка гледна точка, важна линија на поделба.

Покрај тоа, се чини дека инвеститорите се повеќе ги игнорираат негативните фактори. Особено со најавата на централните банкари кои ветуваат дека нема да го олеснат затегнувањето на монетарната политика, очекувањата на пазарот се чини дека се во дијаметрално спротивна насока. Се намалува и потрошувачката, што не е добро за економскиот развој во наредните месеци. Зголемените геополитички ризици, исто така, беа главно занемарени во последните недели.

Црна точка за индискиот пазар

Во текот на изминатите неколку дена се дигна галама во врска со наводите за измама од страна на една од најголемите индиски мултинационални компании, Групацијата Адани. Ова е во сопственост на најбогатиот Азиец и третиот најбогат земјанин Гаутам Адани. Американската активистичка инвестициска компанија Хинденбург Рисрч го обвини индискиот конгломерат за манипулација со цените на акциите, манипулација со финансиските извештаи и низа други неправилности во извештајот објавен минатата недела. Сето ова претставува црна дамка за целиот индиски пазар, кој во последно време привлекува се повеќе странски капитал. Овој вид на афера е потсетник на ризиците што можат да ги донесат помалку транспарентните и помалку развиените пазари.

Бараните приноси на државните обврзници на европските земји повторно се зголемија по прогнозите за дополнително зголемување на каматните стапки. Бараниот принос на 10-годишна германска обврзница е 2,3%, на слична словенечка обврзница 3,45%, а на американската обврзница 3,55%. Полека, но стабилно зајакнува еврото, кое моментално е во вредност од 1,09 американски долари (1EUR=1,09USD).

СОВЕТИ ЗА ИНВЕСТИТОРИТЕ

Макроекономските податоци се релативно слаби, но не се влошени во последните недели, па дури и покажуваат знаци на мало закрепнување на некои места. Инфлацијата се стабилизира и е во надолен тренд, пазарот на трудот останува многу силен, а како резултат на тоа, шпекулациите за идната монетарна политика остануваат многу широки. Очекувањата на инвеститорите за неминовен крај на зголемувањето на каматните стапки се во спротивност со реториката на централната банка. Така, промената на политиката на централните банки, и покрај нивната различна реторика, останува фактор на пазарите на капитал. Ваквото оптимистичко сценарио претставува ризик за пазарите. Сезоната на објавување на резултатите за последниот квартал од 2022 година со предвидувања за 2023 година е во полн ек. Досега, прогнозите за 2023 година не се толку песимистички колку што се очекуваше пред неколку недели. Подоброто расположение се враќа и на пазарите во развој. Отворањето на Кина дава надеж дека најлошото е зад нас. Со оглед на сите предизвици и очекувани промени, акциите не се евтини, но одредени сегменти на пазарот сепак нудат можности, бидејќи иднината или очекувањата на инвеститорите за тоа како треба да изгледа иднината се менуваат многу брзо. Препорачуваме да се задржи долгорочен пристап со периодични зголемувања на инвестициите, што се покажа дека дава добар одговор и најдобар резултат во услови на поголема нестабилност и привремена неизвесност. Диверзификацијата на портфолиото останува клучен двигател за одржување и зајакнување на заштедите. Комбинација од акциски фондови како што се Генерали Топ Брендови, Генерали Америка и паричниот фонд Генерали Кеш Депозит, ги нуди најдобрите решенија за сложениот коктел на актуелната политичка ситуација и економското опкружување. Тоа исто така носи одредени можности. Оние кои имаат поголема позиција во технологијата или одредени други сегменти во нивното портфолио можат да го искористат овој пораст за да ги реконструираат своите портфолија. Генерали БРИК сепак, останува многу шпекулативна инвестиција, бидејќи кинеската држава редовно и често ја менува сликата за иднината што ја предвидуваат инвеститорите, што со себе носи силни флуктуации. Обврзниците ја имаа најлошата година (2022) во последните 50 години. Не веруваме дека тоа може да се повтори во 2023 година, напротив, полека ќе почне да се гради можност за инвестирање. За трпеливите инвеститори ова се моментите за почнување на градење на позиции. Времињата се непредвидливи и ќе се појават можности. Последното отскокнување покажува дека пазарот е непредвидлив и дека се потребни постепени и методички чекори во прилагодувањето на инвестициското портфолио, бидејќи чекањето за оптимален момент води до можност за пропуштање на силни скокови. Отскокнувањето не значи дека кризата е завршена и дека не е можно ново дно. Тоа само покажува дека да се биде премногу самоуверен во една приказна и како резултат на тоа да се има неизбалансирано портфолио може да биде опасно.