Гаши се „зачлени“ во библиотека
Претседателот на Собранието, Африм Гаши денеска повторно се „зачлени“ во библиотеката „Св. Климент Охридски“ во Скопје.
Ова следуваше по топлиот пречек при посетата на оваа библиотека по повод Светскиот ден на книгата.
Тој одблиску се информираше за развојот, новините и предизвиците со кои се соочува оваа институција, а во меѓувреме оствари и разговор со студенти, професори, автори и вработени во библиотеката, каде дискутираа за заедничката страст кон книгата и библиотеката.
Гаши изрази подготвеност да понуди секаква можна поддршка за библиотеката, потенцирајќи ја улогата на оваа институција во обликувањето на поактивно и поразвиено општество.
