„Гардијан“ пишува дека Вучиќ е про-Кремљ авторитарец
Прво „Њујорк тајмс“, а сега и „Гардијан“ пишува дека српскиот претседател Александар Вучиќ е популист и про-Кремљ авторитарец.
Британскиот весник „Гардијан“ пишува за државната мерка за разоружување што е донесена по двата масакри во Србија.
Наведува дека Вучиќ е популист, про-Кремљ авторитарец, чии политички корени се во екстремно десничарскиот национализам. Додаваат дека накратко беше министер за информации кај поранешниот српски лидер и обвинет воен злосторник Слободан Милошевиќ.
Весникот наведува дека во длабоко поделената нација преплавена со смртоносно оружје, каде што се глорифицираат воените злосторници, реалити шоуа, каде луѓето сè уште се со мислите кон трагичните настани што се случија неодамна, многумина се сомневаат дали ветувањето на претседателот за „разоружување“ на земјата ќе биде доволно. Србите предале повеќе од 13.500 парчиња оружје, потсетува „Гардијан“. Вучиќ доби одредени пофалби, особено во странство, за мерката за разоружување. Но, анкетирале граѓани и тие велат дека имаат деца не се чувствуваат безбедно. Дополнително, странските весници забележуваат дека словодата на медиумите во Србија не е на завидно ниво.
Потсетуваат и дека веќе има петиција за одземање на дозволите на телевизиите Пинк и Хепи. Од иницијативата „Крени – Промени“ се жалеа дека официјалните лица ги бранат реалити шоуата за кои тие велат дека ја „трујат“ нацијата.
