Функционерите неделава ќе добијат за стотици евра повисока априлска плата
Функционерите во исчекување на априлските плати повисоки за стотици евра кои неделава треба да им легнат на сметките. Реагираше јавноста но и експертите, синдикатите, претседателот Пендаровски па дури и Светска банка но намалување на коефициентите за пресметка на платите или системско решение нема. Владата најави законски измени како системско решение но тоа е долг процес а најчест одговор на оваа тема беше дека одлука на Уставниот суд мора да се почитува, пишува Гласот на Америка.
Уставниот суд на 23 март укина два члена члена од Законот за плата и надоместоци на функционерите со што го отвори патот за зголемувањето на платите од 78 отсто. Како илустрација за само 8 дена од месец март, колку што беше на сила одлуката на Уставниот суд пратениците добија повисоки плати за 16 илјади денари.
За пресметка на платите на избрабните и именувани функционери се зема просечната бтуро плата за минатата 2022 година која е во висина од 47.637 денари и се множи со коефициентите кои се јасно наведени во Законот за плата и надоместоци на функционерите.
Највисоки плати секако имаат претседателот на државата, престедателот на Владата и претседателот на Собранието кои имаат коефициент 4,5 и платата ќе се движи околу 140 илјади денари без вклучените надоместоци за изминат стаж.
