Францускиот гигант Engie го тужи „Гаспром“ за прекин на испораките: „Нема гас без плаќање за претходниот месец“
Според рускиот закон,
невозможно е да се вршат дополнителни испораки на гас без целосно плаќање за
претходната испорака
Францускиот гасен гигант Engie на 21 февруари годинава
објави дека покренал арбитражна постапка против рускиот „Гаспром“, поради
неговото непочитување на обврските поврзани со испораките на гас.
Компанијата со седиште во Париз, исто така, рече дека сака
да се платат „договорните казни“, како и компензација за штетите предизвикани
од прекинот на испораките.
„Гаспром“
соопшти дека го прекина снабдувањето со природен гас во август, откако
„француската страна не ги плати целосно испораките од јули“.
„Оваа арбитражна постапка беше покрената поради значителни
недостатоци во снабдувањето од Гаспром Експорт ДОО на Енџи, од средината на
јуни 2022 година, што беше проследено со еднострана одлука на Гаспром Експорт
ДОО на Енџи кон крајот на летото 2022 година да ги намали своите испораки на
Енџи поради несогласувања меѓу страните“, стои во годишниот извештај на
компанијата, пишува РТ.
Сепак, се потсетува и како „Гаспром“ ја
известил Енџи дека ќе ја
прекине испораката на гас од 1 септември, додека не се плати веќе испорачаниот
гас.
Според рускиот закон, невозможно е да се вршат дополнителни
испораки на гас без целосно плаќање за претходната испорака, се додава.
Фото: EPA-EFE/STEPHANIE LECOCQ
