Франција со 14 гола го понижи Гибралтар за најголема победа во својата историја!
Распадот на Гибралтар беше најавен уште во првото полувреме во кое Франција постигна седум гола. Најпрво Сантос си постигна автогол, а потоа во листата на стрелци се запишаа Емери, Мбапе, Турам, Клаус, Коман и Фофана.
Во вториот дел Мбапе комплетира хет-трик, а во листата на стрелци двапати се запиша Оливие Жиру, додека останатите голови беа дело на Рабио, Коман и Дембеле.
France record BIGGEST WIN in their history 😳 pic.twitter.com/5CCHbni3IH
— 433 (@433) November 18, 2023
Швајцарија поведе со голот на Варгас во 47. минута, но Косово се спаси од пораз преку Хисени во 82. минута од натпреварот. Сепак, овој бод им заврши работа на Швајцарците кои се пласираа на Европското првенство (ЕП), откако Израел загуби вечерва од Романија со 1-2.
На последниот натпревар вечерва Холандија славеше со 1-0 против Ирска, а голот го постигна Вегхорст.
