Франција донесе закон против брзата мода: Познатите компании се во големи проблеми
Франција ќе примени критериуми како што се количината на произведена облека и брзината на промена на новите колекции
Францускиот парламент поддржа низа мерки во четвртокот вечерта кои ќе ја направат евтината брза мода, особено онаа направена од кинеските масовни производители, помалку привлечна за купувачите. Клучните мерки вклучуваат забрана за рекламирање на најевтиниот текстил, како и еколошка такса за евтини артикли.
– Франција е една од првите земји што донесе закони за ограничување на ултра брзата мода – рече Кристоф Бечу, министер за еколошка транзиција.
Самата одлука најмногу се базира на тоа што францускиот пазар беше преплавен со евтина увозна облека, додека неколку домашни брендови прогласија банкрот, но има и еколошки причини.
– Текстилната индустрија е таа што најмногу загадува – изјави заменик-претседателката на Хоризонс, Ен-Сесил Виоланд, порачувајќи дека овој сектор е одговорен за 10 отсто од емисиите на стакленички гасови и е голем загадувач на водите.
Како пример за интензивно модно производство, заменик-претседателот ја издвои кинеската компанија Shein и нејзината „7.200 нови облеки дневно“.
Франција ќе применува критериуми како што се количината на произведена облека и брзината на промена на новите колекции при одредувањето што е брза мода, според усвоениот закон. По стапувањето на законот во сила ќе бидат презентирани конкретни критериуми.
Производителите ќе бидат принудени да ги информираат своите потрошувачи како нивната облека влијае на животната средина, како и дополнителната такса што ја платиле поради влијанието врз животната средина од пет евра по артикал ќе се зголеми на десет, пренесува Poslovni.hr.
Покрај Шејн, во неволја се и Зара и H&M.
