ФОТО Тропски ракчиња, димена патка, скапо сино сирење – МРТВ организира високобуџетна вечера за ЕБУ
Македонската радио-телевизија (МРТВ) организира високобуџетна вечера за делегацијата на Европската радиодифузна унија (ЕБУ). Менито за овој настан вклучува некои од најскапите гастрономски деликатеси, при што самата потрошувачка за сирењето ќе изнесува стотици евра, додека вкупниот буџет за вечерата сè уште не е официјално потврден.
Еден од луксузните производи што ќе биде на менито е Big Woods Blue, скапо сино сирење чиешто парче може да достигне и до 100 евра за килограм.
Според техничката спецификација на настанот, вечерата ќе вклучува тропски ракчиња, димена патка, шафранова паеља, специјално маринирани зеленчуци, печен анасон со лубеница, жолт домат мариниран со босилек, ананас и папаја, школки, арборио ориз со шафран, како и црвен дабов лист.
Настанот ќе се одржи на 5 мај годинава и ќе трае неколку дена, што значи дека вкупните трошоци може да се искачат на илјадници евра.
