ФОТО Се украсува плоштад Македонија, поставена е и елката!
Денеска се монтира главната новогодишна елка и првите новогодишни украси на плоштад „Македонија“.
Со ова официјално се најавува доаѓањето на празничната сезона.
Градските власти забрзано работат на украсување на централното подрачје за да создадат вистинска предновогодишна атмосфера за граѓаните и посетителите.
Како што може да се види од терен, градежни екипи веќе ја поставуваат големата новогодишна елка на плоштадот, а околу неа веќе се наредени и првите дрвени куќарки.
Овие куќарки, кои најавуваат новогодишен базар или панаѓур, се поставени на плочникот во близина на фонтаната.
Покрај централната елка, која секоја година е фокусна точка за фотографии и собири, на плоштадот се поставуваат и помали, накитени вештачки елки со црвени и златни лампиони, додавајќи празничен сјај на целиот амбиент.
