ФОТО Родители, ако си го препознаете вашето дете разговарајте со него, дали вака се однесуваат и дома?
На социјалната мрежа Фејсбук се појави фотографија од автобус од јавниот превоз, на која се гледа група ученици, при што една ученичка стои со обувки врз седиштето,и истото предизвика лавина реакции од јавноста.
“Деца ли се, стока ли се?” – прашува револтиран корисникот кој ја објави сликата. Во својот коментар, тој ги повикува родителите да разговараат со своите деца и да се запрашаат дали тие се однесуваат на истиот начин и дома или на училиште.
“Нели секој автобус поседува камера? Каде се камерите, зошто не се користат да се казнат овие деца и нивните родители? Еднаш казна, втор пат казна, трет пат ќе се научат. Па добро, како да ги сочуваме автобусите и тие малку што ги имаме?”, додава тој, упатувајќи критика и кон одржувањето и заштитата на јавниот превоз.
Фотографијата отвори поширока дебата за воспитувањето, односот кон јавниот простор и потребата од поефективен надзор во јавниот превоз. Граѓаните се жалат на општата негрижа и недисциплина, кои, според нив, придонесуваат за уништување на она што им стои на располагање на сите.
Иако не е потврдено кога и каде точно е направена фотографијата, таа служи како потсетник на потребата од воспитна едукација, но и засилена контрола и санкционирање на ваквото однесување.
