ФОТО: Први фотографии од спроведувањето на сопственикот на „Пулс“
Министерството за внатрешни работи изврши претрес во домот на Дејан Јованов попознат како Деко, како и во неговиот автомобил „инсигниа“ и два угостителски објекти, дискотеката „Пулс“ и кафе барот Класик.
Полициски претрес имаше и во канцеларија на Државен пазарен инспекторат во Кочани поврзани со документација за неговите фирми.
Вчера на распит беа повикани и неговата сопруга и ќерка.
„Во домот на Д.Ј. пронајдени и одземени се лап топ компјутери, повеќе мобилни уреди, документација и други предмети. Одредени предмети се одземени и од возилото и од угостителските објекти, а пронајдена и одземена е и финансиска документација. Во ДПИ- Канцеларија Кочани пронајден и одземен е еден компјутер, еден лап топ компјутер и еден таблет, како и целокупната документација поврзана со правни субјекти во сопственост на Д.Ј.“, велат од МВР.
Овa кафуле беше демолирано за време на протестите ден по пожарот во Кочани во кои загинаа 59 лица, а повредени беа над 150.
