ФОТО Пред 5 дена објавивме дека возила на министри се паркираат непрописно, денеска знакот е турнат и утрово пак беа паркирани
Само пет дена откако ја објавивме веста за непрописното паркирање на возила поврзани со Министерството за енергетика пред Музејот на Град Скопје, состојбата на терен не само што не се подобри – туку стана уште поалармантна.
Местото кое е наменето за туристички автобуси и има јасно поставен сообраќаен знак за забрана на сопирање и запирање, сега остана без тој знак – турнат и оставен на страна.
Денеска повторно таму беа забележани истите службени и приватни возила.
Граѓаните повторно алармираат до нашата редакција за оваа узурпација на јавниот простор, која не само што го блокира пристапот за туристички возила, туку испраќа и поракa на недисциплина и институционална ароганција.
Сцената е надополнета со расфрлано ѓубре, создавајќи грда слика за туристите и посетителите на градот.
Иако на само неколку метри од оваа точка се наоѓа полициска станица, засега нема никаква видлива интервенција ниту санкции кон прекршителите.
Овој случај уште еднаш ја потврдува неодговорноста на институциите, кои наместо да бидат пример за граѓаните, ги кршат правилата кои самите ги поставуваат.
