(ФОТО) Пожар во центарот на Охрид: Изгоре дуќан, нема повредени

Рано утринава околу 5 часот избувна пожар во центарот на Охрид кај Градскиот пазар во улицата која од плоштадот кај стариот чинар води до пазарот.

Противпожарната единица од Охрид успешно го изгасна пожарот, а неофицијало, пожарот се случил во угостителски објект. Нема повредени лица, но причинета е голема материјална штета.

„Во центарот на Охрид на ул. „Гоце Делчев“ се запалил киоск – дуќан, а пак од него се запалила и куќа – индивидуален стамбен објект. Интервенирале пожарникарите од територјалната противпожарна единица ТППР Охрид со две ПП возила и 6 пожарникари и пожарот е изгаснат. За висината на материјалната штета се уште нема информација“, велат од ЦУК за 4NEWS.mk.