ФОТО: Пациентите со цистична фиброза повторно на протест, го бараат лекот „Трикафта“
На пладне пред Министерството за финансии се одржа протест на пациенти со цистична фиброза. Тие го бараат лекот „Трикафта“.
Пациенти со цистична фиброза денеска протестираат пред Министерството за финансии бидејќи, како што велат, немаат одговор од надлежните институции, до каде е набавката на лекот „трикафта“ за сите на кои им е неопходна.
Претседателот на Асоцијација за цистична фиброза, Фики Гаспар рече дека неофицијално на Влада поминало, уште 18 пациенти да добијат лек и тоа е за поздравув, но апелираат лекот да дојде до сите пациенти.
– Тоа е за поздравување, но, ние го бараме за сите пациенти за да нема несигурност и страв кај пациентите. Ако е точно, ќе има страв дали се во таа бројка, кога ќе дојде за нив, подвлече Гаспар.
Во моментот, „трикафта“ примаат 12 лица.
