ФОТО На автопатот Тетово–Скопје во близина на Карпалак изгоре автомобил
На автопатот Тетово–Скопје, во близина на Карпалак, денеска избувна пожар во патничко моторно возило, потврдија од надлежните служби.
Возилото било целосно зафатено од пламенот, но засега нема податоци за повредени лица. Противпожарни екипи интервенирале веднаш по дојавата и успеале да го изгаснат пожарот.
Полицијата го обезбеди местото на инцидентот, а сообраќајот на овој дел од автопатот се одвива со ограничувања додека трае расчистувањето. Причините за настанот дополнително ќе се утврдуваат.
