ФОТО Историскиот момент, кога еден донор спаси четири животи во Македонија
Министерството за здравство на Македонија објави фотографии од историскиот момент кој утрово се случи во нашата држава. За прв пат во Македонија еден донор спаси дури четири животи.
ОРГАНОДАРИТЕЛСТВО е постапка на ДАРУВАЊЕ органи, ткива или клетки од живо или починато лице, со цел пресадување (трансплантација) во телото на друго лице заради лекување. Дарувањето е доброволно и без финансиски и друг вид надоместок.
Досега само во една државна клиника спроведени повеќе од 600 интервенции, а 35 пациенти се лекувани со новите процедури. Нашите резултати се движат кон рамките на достигнувањата на реномираните центри во Европа и САД.
ЗНАЕТЕ ЛИ ДЕКА?
- Повеќе од 50 000 луѓе во Европа се на листите на чекање орган.
- Секој ден 12 луѓе кои чекаат за орган умираат.
- Еден дарител може да спаси 8 животи (дарување органи) и да им го промени животот на 50 луѓе (дарување ткива).
- Шпанија и Хрватска имаат повеќе од 35 дарители на 1 милион жители.
- Помислете дека можеби уште утре член на Вашето семејство, Ваш пријател или можеби Вие ќе имате потреба од подарен орган.
