ФОТО Голем пожар вечерва ја зафати фабриката „Мирана“ во Велес

Голем пожар вечерба избувна во фабриката „Мирана“ во Велес. Густи облаци чад се издигнуваат над градот, а огнот брзо се шири во објектот каде, според првичните информации, има голема количина на лесно запаливи материјали.

На терен се испратени екипи на Територијалната противпожарна единица на Велес, а се очекува во гаснењето да се приклучат и сили од соседните општини. Засега нема информации за евентуални повредени лица, но пожарникарите се борат со пламените јазици кои достигнуваат неколку метри.

Ситуацијата дополнително ја отежнува ветрот кој го разгорува огнот, а граѓани од околните населби се жалат на густ чад и неподнослива миризба.

Причините за избувнувањето на пожарот засега не се познати.

Очекуваме повеќе информации од противпожарните служби и МВР во текот на вечерта или утрешниот ден.

Од Центарот за управување со кризи очекуваме одговор.

Фото: Г. Алексов