(ФОТО) ГИ ЗЕМА РАБОТИТЕ ВО СВОИ РАЦЕ: Момче од Босна го поправи патот полн со дупки
15-годишно момче од Босна и Херцеговина (БиХ) само ги поправило дупките на патот затоа што властите со години го занемарувале проблемот.
На Фејсбук границата на граничниот премин Маљевац е објавена приказната за Енес од селото Јоховица, кој сам го поправил патот бидејќи властите не го сториле тоа.
Се работи за пат кај граничниот премин Боговоља-Хаџин Поток. Мештаните со години апелираат на комуналните власти на градот Цазин, да го санираат коловозот долг 4 километри од граничниот премин до селото Штурлиќ, првото населено место во Босна и Херцеговина. Сепак, тие не направиле ништо.
Енес дупките на макадамскиот пат ги пополнил со црн песок кој впива вода и со сопствени пари најмил машина за вибрација за песокот да се зацврсти.
„Народот ми е благодарен што го одржувам патот бидејќи луѓето возат скапи автомобили, па сега помалку ќе се уништуваат поради дупките“, изјавил Енес.
На луѓето кои доаѓаат од европските земји им порачува да не фрлаат смет покрај патот, а некои возачи да возат побавно.
