ФОТО: Девојче и нејзините родители по 73 часа биле извлечени од урнатините во Турција
Откако се слушнале врисоци од под урнатата седумкатница во областа Оникисубат, Сакарија, спасувачите почнале да ги преместуваат остатоците од урнатините за да ги спасат преживеаните.
По многу труд успеале да го извлечат петгодишното девојче Мир Берзан Багиш и нејзините родители Алија (55) и Зелал (40). Семејството беше под урнатините цели 73 часа.
Итната помош веднаш ги пренела повредените членови на семејството во болница. Зелал Багис им се заблагодари на сите кои учествуваа во оваа спасувачка акција: „Мило ми е што постојат. Господ да ги благослови сите“. Во спасувањето учествувал и локалниот градоначалник Екрем Јуче кој помогнал во транспортот на повредените, пишува АА.
Во спасувањето учествувал и градоначалникот
“Детето беше многу среќно. Мое сочувство за нашата земја. Стоиме со нашите браќа и сестри, срцето на Турција чука овде. Турција стана едно, едно тело”, рече градоначалникот.
Вкупно повеќе од 16.000 луѓе загинаа во земјотресот што во понеделникот ги погоди Турција и Сирија, според новиот извештај објавен од официјални лица и спасувачи. Светската здравствена организација (СЗО) проценува дека бројот на загинати може да достигне 20.000. Повеќе од 53.000 луѓе се повредени само во Турција.
