Флик вовел нови методи, на Јамал не му одговараат

Новиот тренер Ханси Флик е познат по својот спартански стил на работа и вовел нови методи кои не беа карактеристични за Чави. Пред се, фудбалерите сега имаат два тренинга на ден, освен пред натпреварите кога екипата има само еден и тоа полесен.

Кога се два тренинга, едниот се одржува изутрина што порано не било практика во Барселона. Затоа голем дел од фудбалерите доцнат, а тоа најмногу му се случува на Ламин Јамал кој има проблеми со раното станување. Поради тоа, на последниот тренинг пред мечот со Ваљадолид дошло до конфликт меѓу него и Флик поради што германскиот стручњак се изнервирал и бурно реагирал, а притоа му изрекол усна опомена на 17-годишниот фудбалер.

Голем дел од играчите на Барселона во моментов се со своите репрезентации, но по враќањето ќе мораат да се придржуваат на мерките на Флик ако сакаат да ја одржат добрата форма и резултатите од почетокот на сезоната.