ФИНАНСИСКАТА ДИРЕКТОРКА НА АД ЕСМ ЗАМИНУВА ВО ПЕНЗИЈА – Добрила Стефаноска поднела оставка и повеќе не е членка на Управниот одбор
Државното акционерско друштво, Електрани на Северна Македонија, има промемни во раководната структура.
Имено, поради одење во пензија, оставка си поднела членката на Управен одбор и финансиска директорка на компанијата, Добрила Стефаноска.
Со оглед што ЕСМ е акционерско друштво во државна сопственост, тие испраќаат известување до Македонската берза за промените кои настануваат во компанијата, во категоријата објави од друштва на слободен пазар.
„Ве известуваме дека се извршени промени во составот на Управниот одбор на АД Електрани на Северна Македонија во државна сопственост, Скопје. Имено, со одлука за престанување на мандатот на член на Управен одбор кој носи назив и директор за финансиски работи на АД ЕСМ, од 17 март 2023 година, донесена од Надзорниот одбор на друштвото, а поради доставено известување за оставка на член на УО и директор за финансиски работи на АД ЕСМ и барање за раскинување на Договор за уредување на односите меѓу АД ЕСМ и членот на УО од 16 март 2023 година, доставено од Добрила Стефаноска, на Добрила Стефаноска и престана мандатот член на УО кој носи назив и директор за финансиски рабноти на АД ЕСМ, закчлучно со 20 март 2023 година, од причина што се стекнала со право на старосна пензија согласно закон“, се вели во објавата од компанијата.
