Филип Цептер е најбогатиот Србин
Филип Цептер има импресивна империја која ја создава повеќе од 3 децении.
Компанијата му носи околу една милијарда евра профит годишно.
Неговата сопруга Мадлена го основала првиот приватен театар во Земун наречен „Мадленианум“, а позната е и како голем добротвор и покровител.
„Не ми требаат повеќе од пет часа сон. Така имам повеќе време за работа. Верувам дека сум многу успешен токму поради оваа причина“ – рече во една прилика Цептер и додаде:
-Кога наполнив четириесет години реков дека ќе ја напуштам работата и ќе се забавувам, но не беше така, продолжив да работам. Така наполнив четириесет и пет, а потоа педесет. Сега не планирам да ја напуштам работата. Постојано ми доаѓаат нови идеи. Јас сум човек кој е полн со идеи и соништа, па затоа постојано работам на нови проекти.
Имам два авиони. Трошам многу пари на авиони. Завршувам многу работи додека летам од едно до друго место. Моите авиони се со весели бои и сите што летаат со мене се изненадени кога ги гледаат. Доминираат нијанси на црвена и беж. Се случува и да спијам во нив – истакна тој.
– Јас сум сосема нормален човек, со оглед на мојата позиција, која воопшто не е вообичаена. Поминувам многу време со ќерка ми, си играм со неа и се забавувам, а како и другите луѓе наутро одам на работа, а навечер се враќам. Сакам да поминувам време со пријателите, ја сакам италијанската и шпанската кујна, но сакам и јадења со потекло од Источна Европа.
Инаку, магазинот „Форбс“ („Форбс“) го прогласи за најбогат човек во Србија во 2017 година. Неговото богатство се проценува на пет милијарди долари.
