ФФМ: Не знаеме ништо за Масев, тој е разрешен пред повеќе од една седмица!
ФФМ брзо реагираше откако се појави информација дека Данчо Масев е во притвор поради поврзаност со криминалната група на Реде Трајковски – Штекли.
Од федерацијата велат дека немаат информации за постапките на Данчо Масев. Сега откако излезе информацијата за апсењето на фудбалскиот работник, од ФФМ информираат дека го отпуштиле пред една седмица.
„Во врска со приведувањето на Данчо Масев, истакнуваме дека Фудбалската федерација на Македонија нема информации за неговите лични постапки и активности кои довеле до оваа ситуација.
Со оглед на ситуацијата, неговите активности во рамки на Федерацијата престанаа со моментален ефект, односно пред повеќе од една седмица.
Како институција која се придржува до принципите на законитост и интегритет, случајот го оставаме на органите на Законот во државата.
Нашиот фокус е насочен кон организацијата и подготовката на натпреварот Македонија – Велс, без да се акцентираат личните постапки, а било каква одговорност ќе биде утврдена од законските органи.
Фудбалска федерација на Македонија нема да коментира повеќе за овој случај“, стои во соопштението на ФФМ.
