Фенербахче по голема драма го совлада Баерн
Натпреварот беше израмнет од самиот почеток, а на полувреме со предност од еден поен замина гостинскиот тим (39-38).
Во второто полувреме се водеше уште поголема борба, а Баерн во завршницата стигна до 81-81 и се избори за продолженија, каде што турскиот гигант доминираше и славеше со 98-91.
Вилбекин беше најефикасен во победничкиот тим со 30 поени, еден скок и четири асистенции, додека Франсиско постигна 21 поен и пет асистенции за Баерн.