Фантастична вест за Пеп: Родри ќе биде пријавен за ЛШ!?

Фудбалерот од средниот ред заработи повреда поради која се најавуваше дека за него сезоната е завршена, но според последните информации неговата рехабилитација оди многу подобро од очекуваното.

Имено, британскиот „Телеграф“ пренесува дека Манчестер сити најверојатно ќе го вклучи Родри на списокот фудбалери за нокаут фазата во Лигата на шампионите.

Манчестер сити во најелитното европско натпреварување го чека плеј-офот за место во осминафиналето, а во него ќе игра против Реал Мадрид или Баерн Минхен, противникот „граѓаните“ ќе го дознаат на утрешната ждребка.

Гвардиола неколку пати во текот на сезоната истакнуваше дека Родри е еден од неговите најважнни фудбалери, па нема дилеми дека враќањето во составот многу би му значело.