ФАКТОР НА ДЕНОТ: Maкедонија и Британија наскоро ќе го потпишат стратешкиот договор, опозицијата има прашања за заемот
МАКЕДОНИЈА И БРИТАНИЈА НАСКОРО ЌЕ ГО ПОТПИШАТ СТРАТЕШКИОТ ДОГОВОР
Амбасадорот на Велика Британија во Македонија, Метју Лосон во гостување на Сител најави дека македонската делегација предводена од вицепремиерот Александар Николоски неделава ќе го потпише Стратешкиот договор на свечена церемонија. Aмбасадорот информацијата ја објави и на X.
„Се радувам што ќе го придружувам заменик-премиерот Александар Николоски и делегацијата на Владата на церемонијата на потпишување која ќе се одржи во Лондон оваа недела“, објави Лосон.
СДСМ БАРА ДЕТАЛИ ЗА ЗАЕМОТ
Претседателот на СДСМ, Венко Филипче, на денешната конференција за печатот изјави дека новото задолжување не само што е економски сомнително, туку и политички антиевропско.
Вели дека станува збор за два договора: еден во делот на стратешката соработка и еден за заем од Обединетото Кралство.
„Стратешкиот договор со Велика Британија го поддржуваме, но ваквиот начин на заем, за вакви проекти, дефинитивно ја бележи оваа Влада како антиевропска“, рече Филипче.
TИМ ОД СПЕЦИЈАЛИСТИ ЌЕ ЈА ПРОВЕРУВА СОСТОЈБАТА НА ПОВРЕДЕНИТЕ ВО КОЧАНИ
Tим oд специјалисти од утре ќе ја утврдува состојбата на секој пациент повреден во пожарот во Кочани и потребата од натамошна рехабилитација и помагала.
Станува збор за специјалисти од Универзитетската клиника за пластична и реконструктивна хиругија, КАРИЛ, ГОБ „8 Септември”, болницата „Св. Наум Охридски“ и Клиниката за токсикологија. Тие ќе врши прегледи и евалуација во Општата болница – Кочани на сите пациенти вратени од странство и третирани во Македонија по трагедијата со пожарот. Целта е, како што објасни денеска заменик-министерот за здравство Јовица Андовски, да се утврди состојбата на секој пациент одделно и потребата од натамошна рехабилитација, нега и помагала.
ВЕДАТ АДЕМИ ПОЧИНАЛ ОД НЕКРОЗА НА СРЦЕВИОТ МУСКУЛ
„32-годишниот Ведат Адеми починал од некроза на срцевиот мускул“, стои во Извештајот на Институтот за судска медицина во Скопје. Информацијата ја објави ТВ 21, повикувајќи се на емисијата Инсајд21.
Како што пишува ТВ21, емисијата Inside21, ексклузивно го обезбедила извештајот од обдукцијата, во кој не се пронајдени докази дека починатиот Адеми починал поради алергија на аналгин, како што тврделе членовите на семејството. Според нив, на 17 март во болницата во Куманово, неговата состојба нагло се влошила веднаш по примањето на инфузијата во која била додадена и ампула аналгин, како терапија против болки.
ЧИТАЈТЕ УШТЕ
На Светскиот ден на семејната медицина, лекарите алармираат, ја носиме тежината на системот, а работиме во услови што одвраќаат млади лекари и го закочуваат квалитетот на грижата.
Ако ги погледнеме статистичките податоци на Државниот завод за статистика(ДЗС), бројот на превезени патници во такси превозот во 2024 година се зголемил во однос на 2023 година, но во помалите македонски градови, такси воопшто нема и луѓето се снаоѓаат како знаат и умеат.
Денеска нема да се дознае кој ќе биде предлогот на претседателката Гордана Силјановска Давкова за нов кандидат за гувернер на НБМ, односно тој нема да биде доставен до Собранието, дознава Фактор од свои ивори.
Скопската бизнис “Примера лига“ ја сочинуваат речиси триесет компании кои лани успеале да генерираат приходи од барем 100 милиони евра. Ова е доволно силен аргумент за секој да може да сфати колку е битен и влијателен главниот град за економските текови во Македонија…
Трилерот во Врховен суд се претвори во хорор филм за „Скопски пазар“. Дали одбиеното барање за изземање на судија известител се трансформира во негово барање за изземање од предметот за „Скопски пазар“?
