Фактор анализа СТРУМИЦА 2024: Бизнисот „врвa“ иако него го нема! Кои 17 фирми свртеле од 10 до 67 милиони евра?

Увоз на текстил, градежништво, транспорт и трговија со нафтени деривати, агропроизводство и трговија на големо и на мало… ова се клучните состојки на струмичкиот уникатен економски специјалитет во кој доминираат домашните состојки: претприемчивост, предвидливост, навремена реакција односно сè што е потребно за бизнисот да продолжи да оди напред и да се развива

Струмица е најголемата економија во југоисточна Македонија, но и на целиот исток на земјава, покажува анализата на податоците од базата на податоци на државниот централен регистар за 2024 година. Струмица е специфична и силна економија која јачината ја заснова на уникатна комбинација на многубројните самовработени семејства ангажирани во земјоделието и изразеното вродено претприемништво на населението од целата струмичка котлина. Заедница на отворени луѓе, гостопримливи и весели луѓе кои знаат да работат, но и да заработат.

Од историските Астарион преку Тивериопол до денешна Струмица овој регион е огромно богатство на културно историски споменици, важен трговски крстопат и повеќе од дваесет века урбан центар. Многу е веројатно дека токму историските белези и промени влијаеле врз локалната култура на тие луѓе кои секогаш се отворени, претприемчиви, гостољубиви и разговорливи.

Отворена економија доминанто пазарно ориентирана која непосредно граничи со соседна држава, а има силни и интензивни бизнис релации и со јужниот сосед.

Анализата на
„Фактор.мк“ покажува дека 12
компании кои лани успеале да остварат приходи поголеми од 15 милиони евра што е
солиден резултат за општина која има околу 50.000 жители. Струмица е
уникатна и по тоа што нејзината економија воопшто не зависи од странските
гринфилд инвестиции затоа што според приходи и според добивка водат домашно
поседувани локални фирми.

Р.Ф.