Фактор анализа ПРИЛЕП 2024: Снаодливи на Итар Пејо, ербапи на „Крале Марко“! Кои се прилепчаните што лани направија најголеми профити?

Прилеп
има 15 фирми
кои лани направиле приход поголем од 5 милиони евра, а 8 меѓу нив се компании кои имале
приходи поголеми од 10 милиони евра. Заедничко за сите
е што оствариле добивка од работењето во 2024 година. Клучни генератори на прилепската
економија се домашно поседуваните гиганти „Витаминка“ и „Прилепска пиварница“
заедно со странските компании „Гентерм“, „Мермерен комбинат“ и „Комфи-Ангел“.
Прилеп и покрај бурната транзиција останува град со силна и релативно
разновидна индустрија, а покрај индустријата значајна улога во економското
живеење на овој голем град игра и домашниот трговски еснаф и производителите на
тутун и на храна

Градот херој,
синонимот на антифастичкиот отпор во Македонија, но и на
активностите на централистите на „Внатрешната“. Родниот град на великаните Ѓорче Петров и Пере Тошев,
родното место на Марко Цепенков и Димитар Талев. Градот чиј непокор, хероизам и
традиција се испишува уште од легендите за Крали Марко, а снаодливоста и
итроманштината преку приказните за Итар Пејо. Прилеп е градот чии синоними се
тутунот, мермерот, ширданот, „Златниот даб“, „Стоби Флипс“ и „Газоза“ и шегите
на „чешитите“ прилепчани чиј заштитен знак беше е и ќе остане актерот Џумерко.
Прилеп е град што плени со својата уникатност, гостопримливост, родољубивост.

Официјалните
податоци за 2024
година од ЦРМ покажуваат дека меѓу домашно-псоедуваните фирми најголема е прилепска прехранбена
индустрија „Витаминка“.
Ретко кој град во земјава може да се пофали дека во локалната индустрија
најголема по приходи е компанија која во целост е поседувана од домашни
сопственици, во овој случај акционери меѓу кои најбројни се вработените.

За волја на вистината според остварените приходи
најголема прилепска фирма, за нијанса, е странската гринфилд инвестиција
„Гентерм“. Од домашно поседуваните компании лани најпрофитабилна била
„Прилепска пиварница“. „Витаминка“ и натаму е број еден од домашните компании,
а најголем профит традиционално носи прилепскиот мермер под закрила на грчките
газди…

Р.Ф.