ЕВРОВИЗИЈА НЕ ПОМИНУВА БЕЗ СКАНДАЛИ, „КОСОВО И АЛБАНИЈА СЕ БРАТ И СЕСТРА, МАЈКА НИ Е ГОЛЕМА АЛБАНИЈА“: Што изјави Албанката по пласманот

Музичкиот
фестивал Евровизија секоја година е пропратен со некакви скандали. Годинава же
биде запаметен по изјавата на албанската претставничка која синоќа се
пласираше во финалето.

Песната „Дује“
заеднички ја изведуваат Аљбина Кељмендиод Албанија и Фамиља, која е од Пеќ, Косово.

По пласманот во финалето, на прес-конференцијата следеа
прашања од новинарите, а по тој повод беше изречена реченица во која се
споменува „Голема Албанија“. „Не зборувам добро англиски… Сите сме многу
среќни и многу горди на нашите Албанци, на мојата земја…“, рече Аљбина, а
следеше прашањето каква е сега атмосферата во нејзината земја.

„Верувам дека таму е лудо. Ние сме иста крв, од иста
националност, Косово и Албанија се како брат и сестра, а имаме мајка која е
Голема Албанија. Веќе ја видовме големата љубов и поддршката што ни ја даваат
деновиве ќе дознаеме кога ќе се вратиме таму“, беше одговорот на Фамиље.

Комплетната листа на финалисти на Евровизија ја сочинуваат:
Србија, Хрватска, Молдавија, Швајцарија, Финска, Чешка, Израел, Португалија,
Шведска, Норвешка, Албанија, Кипар, Естонија, Белгија, Австрија, Литванија,
Полска, Австралија, Ерменија, Словенија. Меѓу финалистите се земјите кои
директно се пласираа во финалето, а тоа се Шпанија, Велика Британија, Франција,
Италија и Германија, како и минатогодишниот победник Украина.