ЕВРОПСКИТЕ ПРОИЗВОДИТЕ НА АВТОМОБИЛИ БАРААТ „ИТНА ПОМОШ“: Еве за што станува збор
Повеќето европски производители на автомобили денеска официјално побараа „итни мерки за олеснување“ во Брисел за да се соочат со построги регулативи за емисиите на јаглерод диоксид во 2025 година, кои тие веруваат дека не можат да ги исполнат, особено поради падот на продажбата на електрични возила.
Европската асоцијација на производители на возила (ACEA), која повеќе не ја вклучува групата Stelantis, „ги повикува европските институции да предложат итни мерки за олеснување пред да стапат на сила новите правила за јаглерод диоксид за автомобили и комбиња во 2025 година“, се наведува во соопштението.
Благодарение на ширењето на електричните возила и подобрувањето на моторите на класичните автомобили, производителите досега ги почитуваа стандардите наречени CAFE (Corporate Average Fuel Economy), според кои се обврзани, под закана од високи казни, да го почитуваат годишниот просек на емисиите по продадено возило.
Намалување на продажбата на електрични возила
Сепак, поради континуираниот пад на продажбата на електрични возила од крајот на 2023 година (12,6 отсто од продажбата во Европа во последните 12 месеци во споредба со 13,6 отсто една година порано), исполнувањето на тој услов е комплицирано.
Производителите најавија дека учествуваат во транзицијата и електрификацијата на возилата, но дека немаат основни услови да го стимулираат производството и да доведат до прифаќање возила со нула емисија на штетни гасови. Тие ја наведоа инфраструктурата за полнење и дистрибуција на водород, конкурентна производствена средина, прифатлива зелена енергија, фискални стимулации и помош за купување и безбедно снабдување со основни производи, водород и батерии.
Како што истакнаа, со оглед на овие недостатоци, гледаат дека ги чекаат обесхрабрувачки казни од неколку милијарди евра, кои, додаваат, подобро би биле потрошени во транзицијата кон јаглеродна неутралност.
Вториот по големина европски производител на автомобили, Stelantis, го поддржа влегувањето во сила на новата норма во неделата.
„Сите ги знаат прописите одамна, сите имаа време да се подготват и затоа сега сме во игра“, изјави Карлос Таварес за Франс прес.
Според одредени медиуми, АЦЕА побарала од Европската комисија да ги одложи новите, зајакнати регулативи за две години.
