ЕВРОПСКИТЕ ФАБРИКИ ЗА ОРУЖЈЕ БАРААТ РАБОТНИЦИ: Нудат станови, бесплатни оброци, а добредојдени се и пензионери
Фабриките кои
произведуваат оружје во Централна Европа се обидуваат да најдат дополнителни
работници. Поради војната во Украина, побарувачката за оружје е зголемена.
Вооружената индустрија во Полска и Чешка произведува гранати и други воени
материјали со најбрзо темпо од падот на Берлинскиот ѕид, пишува Sky News.
Компаниите го
зголемија производството за да ја снабдат Украина и да ја задоволат глобалната
побарувачка додека земјите ги зголемуваат трошоците за одбрана. Според тоа,
зголемена е и потребата за работна сила. Една компанија, чешкиот производител
на муниција и артилериски гранати STV Group, гради станови за новите вработени
и обезбедува бесплатни оброци во мензата за пензионерите кои се подготвени да
работат.
Минатата година,
полската воена технолошка компанија WB Group започна голема кампања за
ангажирање жени на монтажни линии кои претходно беа вработени главно од мажи.
Чешката влада започна разговори за ангажирање на некои од стотиците илјади
украински бегалци, од кои повеќето се жени и деца, за да им помогне на
компаниите да најдат работници.
ФОТО: EPA
