Европската вселенска агенција го направи првиот пренос во живо од Марс (ВИДЕО)
Европската вселенска агенција (ESA) во петокот емитуваше во живо слики од Марс направени во реално време со сондата Марс Експрес, објави Асошиетед прес.
На официјалниот YouTube канал на ESA е објавена снимка.
Вкупното време на емитување беше околу еден час. Сликите на Црвената планета се менуваа приближно на секои 50 секунди. Преносот на моменти беше прекинуван од силен дожд на локацијата на приемната антена во Шпанија.
Првата снимка покажа дека околу една третина од Марс постепено се зголемува, а потоа се намалува додека леталото орбитира околу планетата.
„Да бевте на Марс Експрес сега… ќе го видите ова“, рече инженерот на мисијата Сајмон Вуд. „Обично не добиваме вакви слики.
Фотографиите и другите податоци обично се складираат од леталото и подоцна се пренесуваат на Земјата кога неговата антена може да биде насочена кон нас, објасни Вуд.
