Еврејски активист од САД: Бајден е тој што му дава можност на Израел да изврши геноцид во Газа
Додека Израел ескалира насилствата во Појасот Газа, во кои илјадници луѓе загинаа, а повеќе од 20.000 се ранети, демонстрациите против израелската агресија продолжуваат во повеќето американски градови.
Некои од овие демонстрации успеаја да го привлечат вниманието на американското и меѓународното јавно мислење, а беа организирани и поддржани од организации на американски Евреи кои се противат на израелската политика и бараат Палестинците да добијат своја независна држава.
Демонстрантите успеаја неколку часа да ја окупираат главната железничка станица Гранд Централ во Њујорк и Капитол (седиште на Конгресот) во Вашингтон. Пред тоа беа затворени влезовите и излезите на Белата куќа, со цел да се сврти вниманието на барањата на демонстрантите за итен прекин на огнот. Десетици демонстранти беа уапсени, а повеќето од нив подоцна беа ослободени.
Еврејската група „IfNotNow“ е на чело на организациите кои силно се противат на израелската агресија врз Појасот Газа. Тие, исто така, го нагласуваат правото на Палестинците да пружат отпор, го обрнуваат вниманието на кршењето на човековите права извршени од Израел во Појасот Газа и притискаат за прекин на конфликтот меѓу Израел и Хамас.
„IfNotNow“ е движење на американските Евреи кои бараат крај на американската поддршка за режимот на израелскиот апартхејд и бараат еднаквост, правда и просперитетна иднина за сите Палестинци и Израелци.
Оваа еврејска група ја опишува израелската влада како „насилен, крвожеден режим“ и повторува дека Израел врши „геноцид“ во Газа. Нејзините активисти учествуваа во протестите пред канцелариите на политичките лидери, вклучувајќи ја и потпретседателката Камала Харис.
„IfNotNow“ е основан од млади американски Евреи во 2014 година како знак на револт против, како што сметаат тие, непропорционален напад од страна на Израел што следеше по палестинскиот отпор како одговор на израелската агресија врз Газа во летото 2014 година.
Историски гледано, главниот фокус на групата беше на окупацијата на Западниот брег од страна на Израел, која таа ја смета за морално неодбранлива. Американскиот еврејски естаблишмент и про-израелските групи сè уште се сметаат за поддржувачи или соучесници во продолжувањето на окупацијата.
Во овој контекст, Ал Џезира.нет направи интервју со Ева Боргвард, шефица на оваа организација, која ја обвини администрацијата на Бајден за поддршка на израелската агресија.
Како прво, што значи името „Ако не сега“?
