ЕВЕ ШТО ТОЧНО И НАПРАВИ РАМА НА НОВИНАРКАТА: На видеото кое стана вирално добро се гледа инцидентот

На вчерашната прес-конференција на Еди Рама му беше поставено прашање кое не му се допаѓа, па ја турна новинарката која му го постави прашањето.

Според локалните медиуми, Рама ја турнал репортерката на ТВ СИРИ откако таа му поставила прашање.

Новинарот наводно го прашува Рама: „зошто парите на албанските даночни обврзници одат во новото пристаниште, а становите на приватни инвеститори се продаваат во сегашното пристаниште Драч“.

После тоа дошло до физички контакт, а се се случило додека бил опкружен со новинарски екипи. Целиот инцидент е снимен на камера.

– Те молам, не ме допирај повеќе – рече новинарката, додека Рама си замина по инцидентот.

Албанската телевизија Сири објави дека премиерот на Албанија Еди Рама ја турнал својата новинарка Амброзија Мета која му поставила прашање.

Некои албански медиуми објавија дека Рама сакал да го допре лицето на новинарката, но таа се оддалечила.

Но, на инцидентот реагираше и Здружението на албански новинари, кое соопшти дека Рама го нарушил физичкиот интегритет на новинарот.

Здружението на албанските новинари изразува солидарност со нашиот колега“, се наведува во соопштението објавено на Фејсбук.

Рама ги отфрли тврдењата на новинарката со твит на социјалната мрежа Х, окарактеризирајќи го целиот случај како измислица и наведувајќи дека и други новинари биле сведоци на лажните наводи на новинарот на ТВ Сири.