ЕВЕ КОЛКУ ТЕЖИ ЦРНА ГОРА: Речиси два тони злато!
Златните резерви на Црна Гора изнесуваат 38.477,69 унци или 1.197 тони, чија моментална вредност е речиси 70 милиони евра, соопшти Министерството за финансии на Црна Гора.
Додека многу земји континуирано купуваат злато, особено од почетокот на светската економска криза во 2008 година, Црна Гора не ги зголеми златните резерви, се потсетува во извештајот на РТЦГ.
Минатата година во светот беше обележана со историски најголема побарувачка за злато од страна на централните банки.
“Владата на Црна Гора внимателно ја следи и анализира состојбата на пазарот и согласно проценките и можностите ќе донесе одлуки за евентуално зголемување на златните резерви“, соопшти црногорското Министерство за финансии.
Како што објасни Министерството за финансии за РТЦГ, Црна Гора го добила златото во процесот на сукцесија на имотот на поранешната Социјалистичка Федеративна Република Југославија (СФРЈ) и Сојузна Република Југославија (СРЈ), т.е. врз основа на договорот меѓу Република Србија и Република Црна Гора за регулирање на членството во меѓународни финансиски организации и разграничување на финансиските права и обврски.
