ЕВЕ КАКОВ РАБОТОДАВАЧ Е „ЛИДЛ“: Искуствата на вработените кажуваат сѐ
Еден од најпопуларните синџири маркети кои се застапени во секоја земја, наскоро ќе почне да работи и во Македонија. За „Лидл“ постојано се пишува, а македонските граѓани честопати заминуваат во соседните земји за да пазарат од овој маркет.
Честопати се пишува и за ниските цени, за проширувањата, меѓутоа речиси никаде не се пишува за тоа каков работодавач е, односно каков е односот кон работниците.
„Фактор“ направи истражување на искуствата на работниците кои ги објавуваат онлајн на познатите интернет страни каде се споделуваат „rivews“.
Генерално, најчестата оценка како работодавач која ја добива „Лидл“ е висока четворка.
Работниците генерално се задоволни од вработувањето и од платите но и од односот на менаџерите кон нив. За некои работата е тешка и велат дека не се пронашле во неа, меѓутоа генерално, најголемиот дел вработени го препорачуваат синџирот маркети како солиден работодавач.
Брзорастечка кариера, успех и напредок се дел од искуствата на работниците.
Што се однесува до платите, работниците велат дека се држат некаде околу и нешто над просекот.
Сите искуства за работењето во „Лидл“ се однесуваат на маркетите во САД, Ирска и Велика Британија.
