Џевахир Скај Сити – ЕВН ја остави без струја
ЕВН утрово без најава и образложение ја исклучила од напојување со електрична енергија кулата Б од комплексот Џевахир Скај Сити.
Освен заедничките простории и лифтовите, без електрична енергија подолг период останале и приватните станови за домување, што наишло на револт и нервозни реакции од станарите.
„На уредно платени сметки за струја, ЕВН без најава ни ја исклучува струјата, отежнувајќи го секојдневното функционирање“ коментира станарка во кулата, додека нејзин сосед вели дека и претходно имало слични постапки од ЕВН, на кои што реагирал и пријавувал, но како што вели тој, сето тоа било залудно.
